- 55 -

1430. Januar 17.

In gotis namen Amen. Wir Niclas vnd Wenczlaw gebruder von gotis gnaden Herczoge zu Troppaw vnd zu Rathibor Bekennen vnd thun kunt offintlich mit disem prieffe vor allen die en sehen, Horen adir lesen Das vor vns komen sint die woltochtigen vnsere liben getrewen Mikundey von Iaykowicz vnd Iudasch von Golasowicz wolgesunt an leybe vnd synnen vnd mit wolbedachtem freyem mutte vmbetrogen vnd vmbetwungen recht vnd redlichen haben vorreicht vnd yn wechselweise abgetreten Mikundey eyne halbe polonische marg ewiges czinses yn vnd off seynem dorffe vnd gutte zu Iaykowicz vnd Iudasch drey fierdunge yn vnd off dem dorffe vnd gutte zum Oberisten Swirklan vnd allen vnd iczlichen derselben dorffer Czinslewten, Czinsen, Renthen, genissen vnd allerley zugehorungen keyne awsgenomen Dem wirdigen hern Niclassen Apte zum Rawden vnd dem ganczen Conwenth daselbist vnd iren nochkomelingen Denselben czins ewyglichen in iczlichem Jore zuheben vnd zunemen an sand Jorgen tag von den Scholtissen vnd den Gmeynen der obgenanten dorffer Vmb aptretunge wille eczlicher vbir vnd nemlichen das der obgenante Apt mit seynem Conwenth apgetreten haben dem obingenanten Mikundeyen von Iaykowicz eynes vbirs das do greniczt von Chwalenticz mit Iaykowicz von dem Tamme den her geschot hat awffwert bis an Gaschowiczer grenicz daselbist der egenante Iaykowsky Teyche mage geschutczen machen zum besten als her mag, vnd Iudaschen des vbirs von Bagussowicz kein obiristen Swirklan bis an die Grenicz ken Michalkowicz das her auch daselbist Teyche moge machen als her zum besten mag, Idach yn sulchir beredunge das der czins erst eyntreten sal wenn dieselbe Teiche gemacht vnd zum ersten abgelassen werden vnd vorbas denne sal der czins dem obgenanten Apte vnd dem Conwenth off die obingenante czeit ewiglichen gegeben werden, die Teiche steen adir steen nicht Vnd ab en die obgenanten czinse off die egenante czeit vorhalden wurden, So sal der Apt vom Rawden der czuczeiten wirdt seyn, die obingenante lewte yn den egenanten dorffern gancze macht habin zupfenden vnd mit dem pfande zuthun vnd zulassen als offte sie em die obgenanten czinse vorhilden. Vnd ab denn en keynerley ynfelle geschehen wurden, sie weren welicherley sie weren, das en die pfandunge apginge vnd iren czins von den obgenanten dorffern also nicht gehaben mochten So mogen vnd sullen sie den obgenanten czins von den ynwonern der obgeschriben dorffer gewynnen vnd brengen mit Geystlichem rechte vnd dem Banne vnuordacht vnd vngehundert vor allirmeniglich. Vnd dennoch sullen dy flossen die daselbist an den obgenanten Greniczen flissen eyne rechte Erpgrenicz seyn czwischen den obgenanten dorffern. Auch magen sy zubesserunge der Temme erde nemen obwenyg adir nedwenig der Temme Idach vnschedlichen der Pawern Erben. Vnd haben vns die obingenanten Mikundey vnd Iudasch fleissighchen gebeten sulche wechsil aptretunge beredunge yn allirmosse als obingeschriben steet gnediglichen zugunnen vnd zugestatten. Des habin wir ire bete angesehen vnd habin das gancz als is obingeschribin steet gegunt vnd gestat vnd dem obgenanten Apte vnd Conwenth den obingeschriben czins gelegin vnd bestetigit, leyen vnd bestetigen, Mit orkund ditcz prieffes vorsigelt mit vnserm fursthchin anhangendem Ingesigel Der gebin ist zu Rathibor am Dinstage sand Anthonij tage Noch Cristi geburt firczehenhundert vnd dornoch yn dem dreissigistem Joren. Dobey sint gewest die woltochtigen vnsere heben getrawen Mikolasch vnd Ieschke gebrudere von Rakow, Strzela vnd Pelka von der Belczincz, Paschke Zluob von Vrbanowicz, Ian von Godaw vnd her Niclas von der Wockenstat Thumherre zu Ratibor vnsir Schreiber.

Nur das Siegel des Herzogs Nikolaus ist angehängt, es zeigt zwei getheilte und zwei Adlerschilde, mit den Spitzen gegen einander gerichtet. Umschrift: sigillum nicolai . . ucis. oppauie. et. ratiborie.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.